Psa 146 | SwhNEN | STEP | Msifuni Bwana ! Ee nafsi yangu, umsifu Bwana ,

Psalms 146

Kumsifu Mungu Mwokozi

1 ^aMsifuni Bwana! ^{▼▼Msifuni Bwana kwa Kiebrania ni Hallelu Yah.}

Ee nafsi yangu, umsifu Bwana,
2 ^cNitamsifu Bwana maisha yangu yote;
nitamwimbia Mungu wangu sifa
wakati wote niishipo.
3 ^dUsiweke tumaini lako kwa wakuu,
kwa wanadamu ambao hufa,
ambao hawawezi kuokoa.
4 ^eRoho yao itokapo hurudi mavumbini,
siku hiyo hiyo mipango yao yote hukoma.

5 ^fHeri yeye ambaye Mungu wa Yakobo ni msaada wake,
ambaye tumaini lake ni katika Bwana, Mungu wake,
6 ^gMuumba wa mbingu na nchi,
na bahari na vyote vilivyomo ndani yake:
Bwana anayedumu kuwa mwaminifu
milele na milele.
7 ^hNaye huwapatia haki walioonewa
na kuwapa wenye njaa chakula.
Bwana huwaweka wafungwa huru,
8 ⁱ Bwana huwafumbua vipofu macho,
Bwana huwainua waliolemewa na mizigo yao,
Bwana huwapenda wenye haki.
9 ^j Bwana huwalinda wageni
na kuwategemeza yatima na wajane,
lakini hupinga njia za waovu.

10 ^k Bwana atamiliki milele,
Mungu wako, ee Sayuni,
kwa vizazi vyote.

Msifuni Bwana.